शिवराजमा ३४ जनाले एकैपटक कोरोना जिते, १२३ जनाको रिपोर्ट नेगेटिभ

शिवराजमा एकै पटक ह्वातै संक्रमितको सख्या बढेको थियो । समुदाय स्तरमा रहेका नागरिकमा कोरोना देखिएपछि थप त्रास बढेको थियो तर आइतवार संकलन गरिएको १२३ जनाको रिपोर्ट नेगेटिभ आएपछि त्रास कम भएको छ । नगरको आइसुलेसनमा रहेका ३७ जना मध्ये ३४ जनाको रिपोर्ट नेगेटिभ आएको छ । अन्य ३ जनाको परिक्षण गरिएकै छैन ।
आइसोलेसनमा रहेका ३४ जना क्वारेन्टाइनमा रहेका १७ जना र अन्य समुदायका कन्टयाक्ट ट्रेसिङमा परेकाहरुको परिक्षण गरिएको थियो । अब शिवराज नगरपालिकामा संक्रमितको सख्या ३ रहेको स्वास्थ्यकर्मीको भनाई छ । उनीहरुको पनि केहि दिनमै कोरोना परिक्षणको लागि स्वाब पठाईने स्वास्थ्य शाखा प्रमुख चुडामणि भटटराईले बताउनुभयो ।