वडा नम्वर ३ द्धारा खेल सामाग्री वितरण ।।

नवराज पौडेल कपिलवस्तु,,
माघ १५ गते आइतबार,,
कपिलवस्तुको शिवराज नगरपालिका वडा नम्वर ३ खरेन्द्रपुरले खेल सामाग्री वितरण गरेको छ । आइतबार वडा भित्र रहेका भलिवल,फुटवल,व्याडमिन्टन,क्रिकेट र कराते खेलका प्रशिक्षक तथा खेलाडीहरुलाई १ लाख बरावरको समान वितरण गरिएको वडा अध्यक्ष टेकलाल सापकोटाले जानकारी दिनुभयो । खेल सामाग्री वितरण कार्यक्रमलाई सम्बोधन गर्दै सापकोटाले ३ नम्वर वडालाई खेलकुद क्षेत्रमा अगाडी बढाउन वडाले कुनै कसुर बांकी नराख्ने भन्दै वडाभित्र खेलको विकासका लागि आफूले निरन्तर सहयोग गर्ने बताउनुभयो । यही माघ १८ गते बाट सुरुहुन गइरहेको शिवराज खेल महोत्सवमा वडा बाट प्रतिनिधित्व गरि जाने खेलाडीलाई अग्रिम जितको शुभकामना दिनुभएको छ । खेलाडीहरूलाई फुटबल,भलीबल, क्रिकेट व्याडबल, व्याडमिन्टन,नेट लगायतका खेलकुद सामग्री वितरण गरिएको थियो ।