तीज गीत प्रतियोगितामा नवदुर्गा स्वास्थ्य आमा समुह प्रथम ।।

कपिलवस्तु -शिवराज नगरपालिकामा समपन्न तीज गीत प्रतियोगितामा नवदुर्गा स्वास्थ्य आमा समुह प्रथम भएको छ ।
शिवराज ९ बनियाभारको हाट्बजार मेला स्थलमा वडाको आयोजना र गोल्डेन स्टार युवा क्लबको ब्यवस्थापनमा समपन्न तीज गीत प्रतियोगितामा १५ समुहलाई पछि पार्दै नवदुर्गा स्वास्थ्य आमा समुह पहिलो भएको हो ।

प्रतियोगितामा सहभागी दर्शकले पहिलोपटक वडाले तीजको गीत मार्फत जनचेतनाका लागि राम्रो सन्देश दिने प्रयास गरेको बताएका छन । तीजको गीत लैङ्गिक हिंसा र लागु पदार्थ विरुद्धको शीर्षकमा लेखिएको थियोे । पछिल्लो समय तीज भड्किलो बन्दै जादा यस प्रतियोगिताले तीजको बास्तबिक महत्व बारे बुझाउने प्रयास गरेको सहभागी दर्शकको भनाई छ ।
यस्तै प्रतियोगितामा मुना स्वास्थ्य आमा समुह बानियाभार दोस्रो ,शिवगढी आमा समुह तेस्रो भएका छन । प्रतियोगिताका बिजेता समुहहरुलाई वडा अध्यक्ष रामगोपाल चौधरीले नगद प्रमाणपत्रले सम्मान गर्नुभएको थियो ।