Home जिल्ला समाचार, समाचार शिवराज नगरपालिको भवन निर्माण रोक्न सर्वोच्चको आदेश
जिल्ला समाचारसमाचार

शिवराज नगरपालिको भवन निर्माण रोक्न सर्वोच्चको आदेश

मोफसल खबर
सावन २७
कपिलवस्तुको शिवराज नगरपालिकाको भवन निर्माण कार्य रोक्न सर्वोच्च अदालतले अन्तरिम आदेश गरेको छ । नगरपालिकाले दक्षिण रहतकोलमा भवन निर्माण कार्य सुरु गरेको छ ।
नगरपालिकाले भवन निर्माण गर्न लागेको ठाउँ ऐलानी जग्गा भएको जोत भोग नभएकोले सोहि जग्गालाई उपभोग गर्दै नगरपालिका भवन निर्माण गर्न लागेको हो । नगरपालिकाले भवन निर्माण् गर्न लागेको कित्ता नं. ५७ , ५९ मा कुनै पनि निर्माण कार्य नगर्नु नगराउनु यथास्थितीमा राख्नु भन्ने अन्तरिम आदेश दिएको हो ।
नगरपालिकाले जोतभोग नभएको र ऐलानी जग्गामा भवन निर्माण गर्न लागेको भन्दै आए पनि तारिखराम थारुले आफुले उक्त जग्गामा २०३८ साल देखि नै बसोबास गर्दै आएको र २०७५ को विटौरी कर समेत बुझाएको प्रमाणको आधारमा सुविधा सन्तुलनको दृष्टि विचार गर्दा समेत निवेदनको टुंगो नलाग्दा सम्म सर्वोच्चले निर्माण कार्य रोक्न आदेश गरेको हो । निवेदकको तर्फबाट बरिष्ठ अधिवक्त शेर बहादुर के.सी. तथा अधिवक्ताहरु रामचन्द्र पौडेल र प्रपुषा के.सी.ले गरेको बहस पछि सर्वोच्च अदालतको एकल इजलासमा न्यायधिस दीप कुमार कार्कीले विपक्षी नगरपालिकाको नाममा २०४९ को नियम ४९ बमोजिम अन्तरिम आदेश गर्नुभएको हो ।
नगरपालिकाले २०७६÷०९÷२९ गते मालपोत कार्यालय चन्द्रौटालाई पत्राचार गर्दै साविका विरपुर गा.वि.स.को कित्ता नं. ५८, ५९ मा कुनै पनि संघ संस्था र व्यक्तिको भोग चलन सिफारिस नगरेको, जग्गाको ऐलानी आयस्ता कर आदि असुली नगरेकोले सो जग्गा नगरपालिकाको नाममा निशुल्क दिर्घकालिन रुपमा उपलब्ध गराइदिन पत्रचार गरेको थियो ।
नगरपालिकाले जग्गा ऐलानी र कसैको भोग चलनमा नभएको दावी गर्दै आए पनि सर्वोच्चले तारिखराम थारुले भोग चलन गरेको र कर तिरेको भन्दै निर्माण रोकेको छ । नगरपालिका प्रमुख नेत्रराज अधिकारीले सर्वोच्चको आदेश आधिकारीक रुपमा नआएको र आए पछि सो बारे के कसो गर्ने भन्ने विषयमा अगाडी बढ्ने बताउनु भयो । नगरको भवन निर्माणमा अहिले निवेदन दिनेहरुले नैसो जग्गामा भवन निर्माण गर्न पहिले नगरपालिका संग सहमति गरेको समेत उहाँले बताउनु भयो । सर्वोच्चको आदेश पछि नियम कानुन अनुसार अगाडी बढ्ने नगर प्रमुख नेत्रराज अधिकारीले बताउनु भयो ।
नगरपालिका भवन निर्माणमा अहिले सम्म करिब २ करोडको काम भइसकेको भवन निर्माणको जिम्मा पाएको कैलाश एण्ड कम्पनीले जनाएको छ । निर्माणको रोक्ने वा नरोक्ने विषयमा भने नगरपालिकाको आदेश अनुसार हुने पनि निर्माण कम्पनीले जनाएको छ ।

Facebook Comments Box
Shares

Author

मोफसल खबर