कपिलवस्तु ७ जेठ ।कपिलवस्तु प्रहरीले गोली प्रहारको घटनामा संलग्न २ जनालाई घटना भएको १२ घण्टा भित्रै पक्राउ गरी प्रारम्भीक अनुसान्धान पश्चात पत्रकार सम्मेलन गरेर सार्वजनिक गरेको छ । नेकपा (माओवादी केन्द्र) कपिलवस्तुका यूवा नेता दिपक पाण्डेमाथि गोली प्रहार गर्ने ३ जना मधये २ जना आरोपितलाई कपिलवस्तु प्रहरीले सार्वजनिक गरेकोछ । जिल्ला प्रहरी कार्यालय कपिलवस्तुले बुधबार राति पाण्डेमाथि गोली प्रहार गर्ने २ जना आरोपितलाई प्रकाउ गरी शुक्रबार सार्वजनिक गरिएको हो ।
घटनाका आरोपित कपिलवस्तु नगरपालिका वडा नं १ का ३९ बर्षीय ओमप्रकाश यादव (प्रकाश) र सोही नगरपालिका वडा नं २ बस्ने साकिर अलि पाखिया रहेको जिल्ला प्रहरी उपरीक्षक नवराज अधिकारीले वताउनु भयो । नेता पाण्डेमाथि २ राउण्ड गोली प्रहार प्रहार भएको छ । उहाँको भैरहवा मेडिकल कलेजमा भेण्टीलेटरम उपचार भैरहेको छ ।उहा खतरा मुक्त भई सक्नु भएको छैन । घटनामा संलग्नबाट लु १६ प ३४९७ नं को पल्सर मोटरसाइकल, दुई थान मोवाईल, एक थान जंगी राउण्ड, एक थान खोका पनि बरामद गरिएको प्रहरीले जनाएको छ ।
प्रकाउ परेका आरोपित यादवले व्यक्तिगत रीसइवीका कारण आफुले गोली प्रहार गरेको प्रहरी सामु स्विकारेको वताइएको छ । व्यक्तिगत दुष्मनीका कारण आफुले हत्याको योजना बनाएको पनि यादवले प्रहरी सामु बताएको दावि गरिएको छ ।उहाहरु दुबै मधेसी जनअधिकार फोरममा रहदा नजिकको मित्रतापूर्ण ब्यवहारमा हुनु हुन्थ्यो ।
तर पछि कहावाट यसप्रकारको दुस्मनी देखा परेको हो स्पष्ट हुन सकेको छै्रन ।नेता पाण्डे सडवाबाट तौलिहवा तर्फ आफ्नो निजी मोटरसाइकलमा आउँदै गर्दा उहाँमाथि गोली प्रहार भएको थियो । पाण्डेसंगै रहनुभएका अर्का भारतीय नागरिक मोहमद ईसाद खानपनि घाइते भएको जनाइएको छ ।
प्रतिक्रिया