कपिलवस्तुमा बालिकाको हत्या गरेको आरोपमा एक पक्राउ

कपिलवस्तुमा बालिकालाई हत्या गरेको आरोपमा प्रहरीले एक युवकलाई पक्राउ गरेको छ । शिवराज नगरपालिका वडा ३ मदवा घर भएकी १६ वर्षिय दिपा रोकाको हत्या गरेको अरोपमा शिवराज नगरपालिका ४ बस्ने २० वर्षिय अल्ताफ मुस्लिम बढईलाई प्रकाउ गरि विहिवार पत्रकार सम्मेलन गरेर सार्वजनिक गरेको छ ।
खोलामा माछा मार्न गएका बढईले बालिकालाई जिस्काउँदा बालिकाले प्रतिवाद गरेकोले वालिकाको घाँटी थिचेर हत्या गरेको खुल्न आएको जिल्ला प्रहरी कार्यालय कपिलवस्तुका प्रहरी उपरिक्षक नवराज अधिकारीले बताउनुभयो । घटनास्थलमा वढईको पर्स भेटिएको र वालिकाको मोवाईल युवक सँग फेला परेकोले थप अनुसन्धान भइरहेको अधिकारीले बताउनुभयो ।
गत पुस ११ गते शनिबारबाट सम्पर्क बिहिन भएकी रोकाको खोजतलास गर्दा उनको शब दुई दिन पछि सोमबार गाउँ नजिकको जवाई खोलामा फेला परेको थियो । घटनामा युवतीको मोबाइल पनि हराएकोले अनुसन्धान गर्दै जादाँ मोबाइल निज आरोपी संग फेला परेको प्रहरी उपरिक्षक अधिकारीले बताउनु भयो