सातौ रमुवादह फुटबल साउन २६ देखि शुरु हुने

कपिलवस्तु -शिवगढी साईनिङ्ग स्टार कप यहि साउन २६ गते देखि शुरु हुने भएको छ ।

सोमबार साईनिङ्ग स्टार युवा क्लबको खेल मैदानमा बसेको क्लबको भेलाले सातौ साईनिङ्ग स्टार कप साउन २६ गते देखि शुरु गर्ने निर्णय गरेको हो ।

स्वस्थ यिवा जनशक्ति उत्पादन ,वडाका विभिन्न पर्यटकीय ,तथा धार्मिक स्थलहरुको प्रचारप्रसार गर्ने उदेश्यका साथ कृष्ण जन्म अष्टमीको अवसर पारेर क्लबले यस प्रतियोगितालाई निरंतरता दिदै आएको छ ।

यस बर्ष क्लब स्तरीय फुटबल प्रतियोगिता यसैगरी महिला अन्डर फोर्टिन तिस बर्ष नाघेका पुर्व खेलाडीहरुको प्रतियोगिता गराउन भएको छ ।

पछिल्लो समय फुटबल प्रेमी र खेलाडीहरु बिच अति नै लोकप्रिय बनेको यो प्रतियोगितामा ईच्छुक क्लबले सहभागी हुन पाउने छ्न सहभागिताका लागि यही साउन २५ गते भित्र क्लबहरुले आफ्नो समुह दर्ता गरिसक्नुपर्ने छ । अन्यथा सहभागी हुन नपाउने आयोजकले जानकारी दिएको छ ।

प्रतियोगिता क्लब स्तरीय भएका कारण खेलाडीहरु क्लब भित्रका हुनु पर्ने क्लबका अध्यक्ष लाल बहादुर रोकाले बताउनु भयो । प्रतियोगिताका बिजेता उपबिजेताले नगद साईनिङ्ग स्टार कप प्रमाणपत्र मेड्ल पाउने छ भने तिस बर्ष माथिका बिजेताले बोका जित्ने रोकाले जानकारी दिनुभयो ।