१६औ शिवगढी कप असोज १४ देखि शुरु हुने ।।

कपिलवस्तु -१६ औ शिवगढी कप असोज १४ देखि शुरु हुने भएको छ ।
सोमबार गोल्डेन स्टार युवा क्लबको भवनमा बसेको क्लबको भेलाले १६ औ शिवगढी कप आगामी असोज १६ गते देखि शुरु गर्ने तयारी गरेको हो ।
सामाजिक कार्यमा सक्रिय रहदै आएको गोल्डेन स्टार युवा क्लबले बिगत १६ बर्ष अघि देखि यस क्षेत्रको प्राचीन ग्राम,ऐतिहासिक किल्ला ,धार्मिक मन्दिर शिवगढी,कृष्ण मन्दिरको प्रचारप्रसार साथै खेल क्षेत्रलाई प्राथमिकतामा राखेर काम गरिरहेको छ ।

पुर्वपस्चिम राजमार्ग भन्दा अनुमानित ४ किलोमीटर पश्चिममा रहेको बानियाभार चोक देखि थोरै उत्तर तर्फ रहेको गोल्डेन स्टारको खेल मैदानमा लामो समय देखि क्लबले यस आयोजनालाई निरन्तरता दिदै आएको छ ।

यस बर्ष पनि क्लबले यस आयोजनालाई निरन्तरता दिने उदेश्यले असोज १४ देखि २४ गते सम्म १६ औ सस्करण पूरा गर्ने तयारी गरेको छ ।असोज १ गते देखि दर्ता खुला गरेको क्लबले दर्ताको समय असोज १० गते सम्म राखेको छ । १२ गते खेल तालिका सार्वजनिक गरिने तयारी गरेको क्लबले १४ गते औपचारिक उट्घाटन गर्ने आयोजकले जानकारी दिएको छ ।

प्रतियोगितामा सहभागी पुरुष तर्फको बिजेताले नगद ५५ हजार ५ उपबिजेताले २५ हजार ५ सेमिफाइनल पुग्ने दुई टिमले ७ महिला तर्फको बिजेताले नगद २५ हजार ५ उपबिजेताले नगद १० हजार ५ अन्डर फोर्टिनका बिजेताले ५ हजार ५ सय ५ उपबिजेताले नगद २५ सय पाउने छन ।