Home जिल्ला समाचार, समाचार स्रोत नखुलेको १६ लाख रुपैयाँ सहित एकजना पक्राउ
जिल्ला समाचारसमाचार

स्रोत नखुलेको १६ लाख रुपैयाँ सहित एकजना पक्राउ

कपिलवस्तु,२० साउन
स्रोत नखुलेको १६ लाख रुपैयाँ सहित कपिलवस्तु वाट एक जना नेपाली नागरिकलाई प्रहरीले पक्राउ गरेको छ । जिल्लाको मायादेवी गाउँपालिका वडा नं. १ बोरहइया निवासी ३६ बर्षीय विनोद सोनारलाई मगंलवार प्रहरीले नियन्त्रणमा लिएको हो ।
भारत सँगको सीमा क्षेत्र मायादेवी गाउँपालिका वडा नं. ४ ठकुरापुर हुँदै नेपाल आउँदै गरेको अवस्थामा पक्राउ गरिएको जिल्ला प्रहरी कार्यालय कपिलवस्तुका प्रहरि उपरिक्षक नवराज अधिकारीले जानकारी दिनुभयो ।
सोनारको साथबाट रु १ हजार नोट १२ लाख र ५ सयका नोट ४ लाख रहेको उपरिक्षक अधिकारीले बताउनुभयो । पक्राउ परेका सोनार र नगद रकमलाई सुठौली भन्सार कार्यालयमा बुझाइएको उहाँले बताउनुभयो । के को लागि नगद रकम ल्याउदै गरेको बारे खुल्न नसकेको र अनुसन्धान भइरहेको जनाइएको छ ।

Facebook Comments Box
Shares

Author

मोफसल खबर