मोफसल खबर


कपिलवस्तुको विजयनगर गाउँपालिकामा रहेका सुकुम्बासीका समस्याहरु लिएर गाउँपालिका अध्यक्ष गोपाल थापा अहिले सुकुम्बासी समस्या समाधान आयोगमा दौड धुप गरीरहनु भएको छ । सुकुम्बासीहरुले झेल्दै आएका समस्याहरुलाई छिटो समाधान गर्न अध्यक्ष थापाले आयोगका अध्यक्ष देवी ज्ञवाली संग भेट समेत गर्नु भएको छ ।
बुधबार अध्यक्ष थापाले आयोगका अध्यक्ष ज्ञवालीलाई भेटी गाउँपालिकामा रहेका सुकुम्बासीहरुको समस्या समाधानका पहल गर्नु भएको हो । भूमिहिन सुकुम्बासीहरुका समस्यालाई बताउदै थापाले उनीहरुका लागी आयोगले छिटो समाधानको लागी काम गरिदिन अनुरोध पनि गर्नु भयो । “विजयनगर गाउँपालिकाका सुकुम्वासीहरुका समस्याको बारेमा आयोगका अध्यक्षलाई जानकारी दिएको छु, प्राथमिकतामा राखेर काम गर्न अनुरोध पनि गरेको छु” अध्यक्ष थापाले भन्नु भयो ।
आयोगका अध्यक्ष देवी ज्ञवालीले प्रक्रिया अनुसार विजयनगरलाई प्राथमिकताका साथ सुकुम्वासी समस्यालाई समाधान गर्न कदम चाल्ने आश्वासन दिनुभएको छ । उहाँले विभिन्न चरणमा छनोट प्रक्रिया अनुसार काम कारवाही अगाडी बढाउने बताउनु भयो ।

0Shares