माधव बेल्बासे
चन्द्रौटा,कपिलवस्तु
कुनै समय थियो,नगरका एक नागरिकमा कोरोना देखिएपछि नगर नै शिल गरिन्थ्यो । नागरिकहरु पनि मास्क सेनेटाइजरले सुुरक्षा सर्तकता अपाउने गर्थे । लामो समय सम्म बन्द रहेका विद्यालयहरु अहिले खुलेका छन््। विद्यालय खुलेपनि सुरक्षा सर्तकता अपाउनेहरु भने कमि छन् ।अधिकांश विद्यालयमा अध्यानरत विद्यार्थीहरु तथा शिक्षकहरु मास्क बिनै विद्यालयमा आउने जाने गर्दछन् ।
शिवराज नगरपालिका भित्र अहिले १४ जना संक्रिय संक्रमित छन् । त्यस मध्ये राष्ट्रिय माध्यमिक विद्यालय चन्द्रौटामा मात्र अध्यापन गराउने ७ जना शिक्षक र कर्मचारीमा कोरोना संक्रमण देखिएको छ । सुरुमा ३ जनामा देखिएको कोरोना दोस्रो चरणमा जाँच गर्दा ४ जनामा कोरोना देखिएको हो । शिक्षकहरुमा कुनै लक्षण नभएपनि कट्याक्ट ट्रेसिङ भन्दै अन्य शिक्षकको परिक्षण गर्दा कोरोनाको अवस्था भयाभव देखिएको छ । पहिलो चरणमा जाँच गर्दा कोरोना देखिएपछि राष्ट्रिय मावि बन्द गरियो । पछिल्लो समय सोहि विद्यालयमा पढाउने एक शिक्षिकामा समेत कोरोना देखिएको र शिक्षिकाका श्रीमानले समेत सोहि विद्यालय पढाउने भएकोले उनी पनि जोखिममा रहेका छन् । संक्रमित शिक्षकहरुलाई होम आइसोलेसनमा छन् ।
यता नेपाल आर्दश बहुमुखि क्यापसका एक जना प्राध्यापकमा समेत कोरोना देखिएपछि क्याम्पस प्रशासनले सोमबार एक सुचना जारी गर्दै क्याम्पस बन्द भएको जानकारी गराएको छ । क्याम्पसमा पढाउने प्राध्यापकहरुले विद्यालयममा पनि पढाउने भएकोले विद्यालयका विद्यार्थीहरु झनै जोखिममा रहेका छन् । क्याम्पसमा पढाउने शिक्षकले शिवराज नगरपालिका ९ सुन्दरीडाँडाको प्रकाश माविमा समेत अध्यापन गराउने भएकोले नगरका अन्य विद्यालयहरु असुरक्षित रहेका छन् ।
शिक्षकहरुले कोरोना जाँच गरेपनि विद्यार्थीहरुको भने कोरोना जाँच हुन सकेको छैन । संक्रमित शिक्षकहरुले पढाउने विद्यालयहरु बन्द गरिएको शिवराज नगरपालिकाका शिक्षा शाखा प्रमुख लोकराज पन्थीले बताउनुभयो । संक्रमित सँग नजिक रहेका शिक्षकहरुको कोरोना परिक्षण गराउने गरेका छौ पछिल्लो समय शिक्षकहरुमा कोरोना देखिएकोले उच्च सावधानी अपनाउन आग्रह गरिएको पन्थीले बताउनुभयो । पछिल्लो समय विद्यालयहरुमा सर्तकता नअपनाउदा कोरोना फैलीदै गएको छ । नगरपालिकाले यस कोरोना नियन्त्रणमा पछिल्लो समय कुनै चासो नदिएको गुनासो छ ।

0Shares