Home Featured, जिल्ला समाचार बुद्धभूमिमा राष्ट्रपति रनिङ्ग शिल्ड तथा मेयर कप उद्घाटन (फोटो फिचर)
Featuredजिल्ला समाचार

बुद्धभूमिमा राष्ट्रपति रनिङ्ग शिल्ड तथा मेयर कप उद्घाटन (फोटो फिचर)


दिपक के.सी.
कपिलवस्तु फागुन १४
कपिलवस्तुको बुद्धभुमि नगरपालिकामा राष्ट्रपति रनिङ्ग शिल्ड तथा मेयर कप प्रतियोगिताको आज उद्घाटन भएको छ । नगरपालिका भित्रका संस्थागत तथा निजी विद्यालय स्तरिय राष्ट्रपति रनिङ्ग शिल्ड प्रतियोगिता र वडा स्तरिय मेयर कप प्रतियोगिता हुने शिक्षा तथा खेलकुद शाखा ले जनाएको छ ।


कार्यक्रमको उद्घाटन कार्यक्रमका प्रमुख अतिथि जिल्ला समन्वय समिति सभापति नारायण खनालले दिप प्रज्वलन गरि कार्यक्रमको उद्घाटन गर्नु भएको हो । कार्यक्रमको उद्घाटन समारोहमा बोल्दै प्रमुख अतिथि खनालले विस्तारै खेलकुदका माध्यमबाट पनि विकासको लहर सुरु भएको बताउनु भयो ।

खेलकुदले व्यक्तिलाई मात्रै नभएर राष्ट्रलाई पहिचान दिलाउने बताउनु भयो । युवाहरुलाई दुव्र्यसनि,कुलतबाट बचाउन पनि खेलले महत्वपूर्ण भूमिका रहने सभापति खनालले बताउनु भयो ।


कार्यक्रमको उद्घान सत्रमा बोल्दै नगर प्रमुख केशब कुमार श्रेष्ठले चौथो राष्ट्रपति रनिङ्ग शिल्ड प्रतियोगिता मेयर कप सम्म आइपुग्दा नगरपालिकाले उत्कृष्ट खेलाडीहरु तयार पारिसकेको बताउनु भयो । नगरले भौतिक विकास संगै शिक्षा र खेलकुदलाई प्राथमिकता दिएको श्रेष्ठले बताउनु भयो । खेलकुदको विकासका लागी केन्द्रिय कार्यविधि नै बनेकोले सोहि अनुसार नै खेल खेलाइने उहाँले बताउनु भयो ।



उद्घाटन कार्यक्रममा सहभागि विद्यालयका खेलाडीले मार्चपास र विभिन्न नृत्य प्रस्तुत गरेका थिए । कार्यक्रममा स्थानिय थारु कलाकारहरुले झुमरा नाच, मयुर नृत्य प्रतुत गरेका थिए भने उसु खेलाडीले कारातेको डेमो देखाएका थिए ।

यस्तै विद्यार्थीहरुले कार्यक्रमा खुकुरी नृत्य समेत प्रस्तुत गरेका थिए । नगरका २० विद्यालयका १४४३ खेलाडी विद्यार्थीको सहभागिता रहेको प्रतियोतिामा रनिङ्ग शिल्ड तर्फ भलिवल,कबडी, एथलेटिक्स, रिले दौड लगायतका खेलहरु खेलाई शिक्षा तथा खेलकुद शाखा प्रमुख कृष्ण भट्टराईले बताउनु भयो । राष्ट्रपति रनिङ्ग शिल्ड र मेयर कपका लागी नगरपालिकाले ९ लाख बजेट विनियोजन गरेको छ ।

Facebook Comments Box
Shares

Author

मोफसल खबर