माधव बेल्बासे
कपिलवस्तु

जनताको लागि काम गर्ने प्रतिवद्धता गरेर निर्वाचित भएका जनप्रतिनिधिहरु आफ्नै स्वार्थमा लिप्त भएको घटनाहरु आइरहन्छन ।नागरिकहरु सँग गरेका बाचालाई निर्वाचित भइसकेको पछि भुल्ने गरेका छन् । तर कपिलवस्तुको शिवराज नगरपालिका वडा ३ का वडा अध्यक्ष टेकलाल सापकोटाले भने निरन्तर नागरिकहरुको दुखेको घाउँमा मलम लगाउनु भएको छ । उहाँले सरकारले देएको सेवा सुविधा पनि नागरिकहरुमा लगानी गर्नुभएको छ । केहि दिन अघि शिवराज नगरपालिका ३ सोनवर्षिका मटेलु रैदासको उपचारका क्रममा निधन भयो ।


दैनिकि मजदुर गरेर जिविको पार्जन गर्ने रैदास परिवारलाई अहिले काजकिरिया गर्नको लागि पनि रकम नहुदा समस्यामा थिए । श्रीमानको मृत्यु र छोरा अशक्त हुदा बेसहारा बनेका पीडित परिवारलाई वडा अध्यक्ष सापकोटा राहत उपलब्ध गराएको छ । विपन्न परिवारलाई कसैको साहारा नभएपछि वडा अध्यक्षले पिडितको घरमै पुगेर नगद १०,१०० रकम सहयोग गर्नुभएको हो । मजदूरी गरी जीविकोपार्जन गर्दै आएका अति विपन्न परिवारमा कमाउने मान्छे नै नभएपछि परिवार बिचल्लीमा परेका हुन ।

रिक्सा चलाएर जिविको पार्जन गर्दै आएका रैदास परिवारलाई वडा अध्यक्ष सहयोग गरेपछि खुसि भएका छन् । पिडित परिवारलाई केहि पनि सहयोग हो भन्ने उद्देश्यले सहयोग गरेको वडा अध्यक्ष सापकोटाले बताउनुभयो । आफूले व्यक्तिगत रुपमा पिडित परिवारलाई सहयोग गरेको उहाँले बताउनुभयो ।
वडा अध्यक्ष सापकोटाले यस भन्दा अघि पनि नगर तथा वडाका नागरिकहरुलाई समस्यामा परेका समयमा आर्थिक सहयोग देखि अन्य काममा पनि सहयोग गर्दै आउनुभएको छ ।

0Shares