Home Featured, जिल्ला समाचार कपिलवस्तुुको महाराजगंजमा खेलकुद प्रतियोगिता शुरु
Featuredजिल्ला समाचार

कपिलवस्तुुको महाराजगंजमा खेलकुद प्रतियोगिता शुरु


दिपक के.सी.
चैत्र १०
कपिलवस्तुको महाराजगंज नगरपालिकामा स्वास्थ्यका लागि खेलकुद राष्ट्रका लागी खेलकुद भन्ने नारा सहित दोस्रो दोस्रो राष्ट्रपति रनिङ्ग शिल्ड र मेयर कप प्रतियोगिता मंगबारबाट शुरु भएको छ । नगरको बार्षिक कार्यक्रम अन्तगर्त प्रतियोगिता सुरु गरिएको नगरपालिका शिक्षा तथा खेलकुद शाखाले जनाएको छ ।


मंगलबार कार्यक्रमकको उद्घाटन लुम्बिनी प्रदेश सभा सदस्य अर्जुन कुमार के.सी.ले गर्नु भएको छ । कार्यक्रमको उद्घाटन गर्दै प्रदेश सभा सदस्य के.सी.ले खेलकुदले व्यक्तिलाई स्वास्थ्य राख्नुको साथै खेल कै माध्यमबाट राष्ट्रलाई विश्व सामु परिचित गराउन सकिने हुदाँ खेलकुदलाई प्राथमिकता दिनु पर्ने बताउनु भयो । नगरपालिकाले खेललाई प्राथमिकता दिदै ढिलै भए पनि प्रतियोगिता आयोजना गर्न सफल भएकोमा धन्यवाद दिनु भयो । विद्यार्थीलाई शाररिक रुपमा तन्दुरुस्त राख्न मदत गर्ने हुदा दैनिक रुपमा विद्यालयमा पनि खेलकुद खेलाउनु पर्ने बताउनु भयो ।

प्रतियोगिताको उद्घाटन सत्रमा नगर प्रमुख अब्दुल कलामले नगरपालिकाले विद्यालय स्तरिय खेलकुद प्रतियोगिता आयोजना गरी विद्यालर्थीहरुलाई अतिरिक्त क्रियाकलापमा सक्रिय बनाउन सहयोग गर्ने बताउनु भयो । खेलकुदका माध्यमबाट विद्यार्थिलाई अनुशासित र मर्यादित बन्न सहयोग पुग्ने मेयर कलामले बताउनु भयो । प्रतियोगितामा अनुशासित भएर खेल प्रर्दशन गर्न विद्यार्थीलाई आग्रह गर्नु भयो ।


राष्ट्रिपति रनिङ्ग शिल्ड प्रतियोगिता तर्फ नगरका ११ विद्यालयको सहभागिता रहेको शिक्षा तथा खेलकुद शाखा प्रमुख रेश्मीराज अर्यालले बताउनु भयो । यस्तै मेयर कप तर्फ ५ वटा विद्यालयको सहभागिता रहेको पनि उहाँले जनाकारी दिनु भयो । मंगलबारबाट सुरु भएको प्रतियोगिता ३ दिन सम्म चल्ने अर्यालले बताउनु भयो । उद्घाटन सत्रमा प्रतिष्प्रर्धी खेलाडीले मार्चपास, नृत्य प्रस्तुत गरेका थिए । कार्यक्रममा वडा नं. ४ का अध्यक्ष शुसिल कुमार चौधरी , झिन्ना माध्यमिक विद्यायल व्यवस्थापन समिति अध्यक्ष गंगेश तिवारी लगायतले शुभकामना मन्तव्य दिनु भएको थियो ।

Facebook Comments Box
Shares

Author

मोफसल खबर