काठमाडौँ– नेकपा माओवादी केन्द्रका अध्यक्ष पुष्पकमल दाहाल प्रचण्डले मुलुकको नेतृत्व गर्ने अवसर पाए एउटा नयाँ युगतिर देशलाई लैजाने बताएका छन्।
शुक्रबार नेपाल पर्वतारोहण संघले काठमाडौँमा गरेको कार्यक्रममा प्रचण्डले परिवर्तनको वास्तविक महसुस जनताले गर्न नसकेको भन्दै फेरि अर्को पटक देशको नेतृत्व गर्ने अवसर पाए नयाँ युगतिर देशलाई लैजाने सपना साकार पार्ने बताएका हुन् ।
उनले आफ्नै नेतृत्वका परिवर्तनका लागि हजारौँको बलिदानी भएकाले उनीहरूको सपनालाई त्यसै खेर जान नदिने जिकिर गरे। पहिलो चोटि प्रधानमन्त्री हुँदा धेरै कुरामा बिचार गर्दै ९ महिना बितेको उनले बताए । दोस्रो पटक प्रधानमन्त्री हुँदा धेरै चिज सुधार गर्ने प्रयास गरेको समेत उनले बताए । प्रचण्डले मुलुकलाई विकास र समृद्धितर्फ अघि बढाउनका लागि बामपन्थीहरुको एकता गरे पनि सफल हुन नसकेको धारणा राखे।
कार्यक्रममा संघका तर्फबाट नवनिर्वाचित केन्द्रीय कार्यसमितिलाई प्रमाणपत्र हस्तान्तरण गरेका थिए ।
प्रतिक्रिया